Do bist no al fiif-en-sechstich jier
foar dyn doarp Wytmarsum yn it spier
dêr meie wy wol even stil by stean
foardat jim noch 35 jier fierder gean
De basis is ien stik frijwillichheid
foar de skiednis, de mienskip en eigenheid
in grut komplimint oan jim allegearre
dat meie jim dan ek wolris hearre
Jim binne de útlaatklep fan wat der libbet
fan eltse feriening dy’t nei oandacht stribbet
fan aksjes, plannen en al mar nije winsken
mar ek fan nijberne en ferstoarne minsken
Foar ús as bûtenfolk binne jim in boarne
fan de Grauwe Kat oant Kievitshoarne
sa hâlde wy noch wat bining mei ús ferline
gean moai sa troch, jim meie net ferdwine
Wy meitsje hjoed fiif-en-sechstich euro oer
dat ha wy as bydrage 2013 der wol foar oer
want 65 jier lyn binne wy yn Wytmarsum troud
en dat hat ús oant no ta noch gjin dei beroud
Doekle en Tjitske Yntema-Reitsma
65 jier abonnee yn Grou